StarTalk丨化療令經濟有壓力要申請傷殘津貼 顏國樑唔敢向朋友求助
上集講到顏國樑知道自己患癌後，就即時拎咗張大體老師捐贈卡畀醫生，因為佢希望生前帶快樂畀觀眾，死後都可以為社會作出最後貢獻，為大家健康帶幫助。今集佢會喺《StarTalk》同主持潘盈慧分享一下自己背後嘅支柱。
雖然樂觀面對生死，但唔代表顏爺嘅抗癌之路係輕易。因為鱗狀細胞癌壓住咗顏爺嘅氣管，令佢會有氣喘嘅問題出現，所以而家接唔到工作，顏爺戲稱自己而家係一個廢人，由於冇工作嘅關係，所以佢都有申請每個月二千幾蚊嘅傷殘津貼，不過完全唔夠cover每月三萬九千六嘅醫藥費：「化療好鬼貴，一針三萬九千六，冇資助嘅，一個月放喺治療要三萬九千六，仲要我夠要好彩，因為如果你體內嘅細胞唔夠，係做唔到呢個化療。」積蓄都用晒喺治療上，令顏爺喺經濟方面頗有壓力，問到佢呢段時間有冇朋友出手相助？顏爺就話其實如果唔係TVB邀請佢亮相台慶，佢根本都冇同身邊朋友提及自己嘅病情，佢又覺得如果同人講自己有事，會嚇到身邊朋友個個雞飛狗走，所以唔想做出嚇親朋友嘅事。
化療令顏爺身體相當疲勞，佢形容好似一個好耐冇做運動嘅人，突然做劇烈運動，翌日身體出現周身骨痛，顏爺話每次化療次後嘅痛就好似呢種運動後遺症，但痛苦卻係放大五倍。除咗身體上嘅痛楚，顏爺表示每次做完化療，身體都會乏力，行路會失平衡，說話亦會變得唔夠氣。雖然飽受病魔折磨，但係顏爺話自己冇當患癌係一件大事，佢笑言自己已經係肉隨砧板上，所以驚嚟都冇用，唯一係呢段時間，顏爺話要多謝太太對佢嘅悉心嘅照顧。
雖然顏爺已經叫對方做太太，但其實佢同對方始終都係未註冊未結婚嘅，問到箇中原因？顏爺指係同97移民潮有關：「因為如果係結咗婚去移民，本錢唔夠有好多影響，但係如果單身去第二度就方便啲。」儘管未有一紙婚書，但顏爺早已經幾太太嘅名加入遺囑，不過因為而家喺內地生活嘅關係，而內地嘅居住證需要同住嘅女人有一個名份，否則會被視為召妓，所以為咗法律問題，佢之後會同太太低調註冊。
顏爺直言呢段時間多得太太一直照顧自己，佢笑言太太知道自己對佢嘅感恩同感激之情，又話佢哋夫妻相處之道道係互相激大家，至於甜言蜜語？顏爺話只限於頭三年嘅相處，三年過後再講情話就會被太太嫌棄，
#顏國樑 #StarTalk #潘盈慧 #結婚 #傷殘津貼 #鱗狀細胞癌#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
