StarTalk丨顏國樑患鱗狀細胞癌令聲線變尖 透露早計劃於離世後當大體老師
經典處境劇《香港81》入面飾演陳積嘅顏國樑，年青啲嘅觀眾對顏爺嘅印象應該就係《十月初五的月光》，入面飾演全海景嘅佢，早前應TVB邀請，同順嫂梁葆貞驚喜現身今年台慶。由於顏爺當晚聲線變尖，不禁令觀眾擔心佢嘅身體狀況，呢日顏爺道接受潘盈慧《StarTalk》嘅訪問，除咗講下佢嘅身體狀況外，亦都同大家佢分享轉教太極嘅原因。
顏爺話當年自己習太極功夫之後，發現太極可以為養精氣神，對身體有莫大好處，故此令他成為太極宗師。顏爺又指自己年青時所拍的大多為喜劇，帶歡樂予觀眾，隨住年齡有所增長，顏爺就話希望可以帶健康畀觀眾。
不過一心將健康快樂帶畀大家嘅顏爺，笑言自己身體竟率先出現叛軍—鱗狀細胞癌。有日顏爺如常嘆茶，但就突然發現自己把聲沙沙，起初以為普通小病，但顏爺話食咗中藥成個月都冇好轉，所以佢就轉睇西醫家庭醫生，不過最初都係診斷唔到係咩事，直至七月佢再檢查，先知道係患上鱗狀細胞癌，令到其聲帶受壓，所以聲音出現變異。
一向予人樂觀感覺嘅顏爺，直言知道自己患癌嘅第一個反應，就係同醫生講：「我2013年參加咗港大嘅大體老師計劃，咁而家張卡係咪畀你？」顏爺話自己呢番說話並唔你講笑，而係佢知道做大體老師嘅人，當佢一離世，遺體就要即時處理，所以佢先會咁同醫生講。對生死睇得好開嘅顏爺，話死亡都係輪住嚟，又覺得自己死後當大體老師都可以幫助到社會係件好事。
講到而家嘅身體狀況，顏爺話因為聲帶同呼吸系統受壓嘅關係，所以佢把聲會越嚟越高音，而因為氣管受壓而會出現少少缺氧，而會出現少少氣喘，但其他一切沒太大問題。而家正接受治療嘅顏爺，表示已經完成咗4次療程，而且進展良好，現時還需要再做多兩之療程。
顏爺表示之後待身體康復後，佢希望可以去答謝治療佢嘅醫生護士，同埋所有關心佢嘅朋友，佢又話如果身體許可嘅，都想再工作，拍返多啲好嘅劇，帶多啲歡樂畀觀眾。顏爺指自己已經交代晒一切後事，所以都冇咩遺憾，一切都交由上天安排呀。
#顏國樑 #全海景 #十月初五的月光 #香港81 #陳積 #順嫂 #梁葆貞 #太極 #鱗狀細胞癌 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
