今次請到黎嘅嘉賓， 犀利啦，佢就係敏哥嘅師父，杜平先生！ 杜平唔單只係大台第一代節目主持，更係粵語片嘅時代， 叱咤風雲，同呂奇、謝賢齊名嘅大明星！ 今集杜平會分享一下佢傳奇嘅人生，由一個無心向學嘅後生仔，搖身一變，成為一個大明星，仲得到華南影帝吳楚帆賞識，成為咗佢嘅入室弟子，過程係你意想唔到；而佢又係點樣過五關，斬六將，成功喺張瑛、白燕等人面前，施展渾身解數，成功被中聯電影公司取錄，開展咗佢嘅電影之路？
