Ki Daus, salah sawios urang sunda anu tangtosna parantos kauninga ku urang sadayana salaku tokoh hiburan/ artis nasional. Namung dina waktos harita (2013) masarakat umum seueuer anu teu acan uninga yén anjeunna mangrupikeun salahsawios tokoh penca utamina penca Sera Jatihandap.
Salah sawios ikhtiar Ki Daus dina raraga ngalestarikeun seni sunda khususna penca silat nyaéta ngarojong kagiatan Langlang Baraya anu diayakeun ku Yayasan Padépokan Surabima Bandung waktos taun 2013. Ku dongkapna anjeunna tangtos acara tambih hégar, atuh Para Tokoh Penca Silat kalih masarakat Kampung Kerenceng Kabupatén Bandung ngaraos bingah kalangkung-langkung ninggal Ki Daus di luhur panggung.
Hatur nuhun Ki Daus, kanggo pangrojongna dina waktos harita. Mugia janten kasaéan kanggo urang sadayana anu sami-sami ngamumulé seni budaya sunda.
#LanglangBaraya #KiDaus #PencakSilat #Seni #Budaya #Sunda
