Autor: Kreshnik KUÇAJ
Montazhi: Ergis Hasanbelli
Në vitin 1978 industria shqiptare e naftës u gjend në pikën e saj më të ndërlikuar që nga krijimi. Bashkëpunimi me Kinën, i cili kishte zgjatur gati dy dekada, u ndërpre papritur.
Bashkë me të u ndërprenë furnizimet me pajisje shpimi, pjesë këmbimi, instrumente sizmike, manuale teknike dhe format trajnimor të inxhinierëve. Deri në atë moment, shumë prej operacioneve të shpimit të thellë, interpretimit gjeofizik dhe ndërtimit të rafinerive mbështeteshin pikërisht tek kjo linjë bashkëpunimi teknik. Prishja nuk ishte thjesht diplomatike – ajo ishte teknike dhe industriale.
Në atë kohë Shqipëria prodhonte naftën që i nevojitej për bazën e industrisë së rëndë dhe për rafineritë e Ballshit e Fierit. Nafta nuk ishte mall për treg ndërkombëtar; ishte burimi kryesor i energjisë së ekonomisë së mbyllur. Çdo rënie prodhimi kërcënonte zinxhirin e prodhimit industrial, furnizimin me lëndë djegëse dhe kapacitetin e transportit.
Prandaj, çështja e kërkimit të zonave të reja të naftës u kthye në prioritet ekonomik kombëtar.
Por kërkimi, deri atëherë, kishte mbetur i kufizuar brenda modelit që kishte sjellë sukses në jug: Neogjeni si horizont kryesor kërkimi.
Subscribe:
https://www.youtube.com/c/TelevizioniSCAN?sub_confirmation=1
WEB:
https://scantv.al/
Facebook:
https://www.facebook.com/televizioniscan/
Instagram:
https://www.instagram.com/scan_tv/
Linkedin:
https://www.linkedin.com/company/scantv/
TikTok:
https://www.tiktok.com/@scan_tv
#scantv #ekonomi #lajme #trending #shqiperi #financa #tirana #ngjarje #investime #turizem #bursa #lendet
